https://taipedia.com/index.php?action=history&feed=atom&title=%E1%80%9C%E1%80%AD%E1%81%B5%E1%80%BA%E1%82%88%E1%80%95%E1%80%AD%E1%80%AF%E1%80%90%E1%80%BA%E1%82%87%E1%80%95%E1%81%BC%E1%80%BA%E1%80%95%E1%80%AD%E1%80%AF%E1%81%BC%E1%80%BA%E1%82%89%E1%82%81%E1%80%B0%E1%82%89_%E1%80%99%E1%81%A2%E1%82%86%E1%80%9E%E1%81%A2%E1%80%99%E1%80%BA%2F%E1%80%95%E1%81%A2%E1%82%86%E1%80%B8%E1%82%81%E1%80%B0%E1%82%89%E1%80%99%E1%80%B1%E1%82%83_%E1%80%9C%E1%82%84%E1%82%88_%E1%81%BD%E1%80%AD%E1%80%84%E1%80%BA%E1%82%88%E1%80%95%E1%80%AD%E1%80%B0%E1%80%84%E1%80%BA%E1%80%90%E1%80%AE%E1%82%87%E1%80%99%E1%80%B0%E1%80%9D%E1%80%BA%E1%82%87%E1%81%B6%E1%80%9B%E1%80%B1%E1%82%87%E1%80%9E%E1%80%AE%E1%82%87 2026-11-08T19:11:40Z Revision history for this page on the wiki MediaWiki 1.46.0 https://taipedia.com/index.php?title=%E1%80%9C%E1%80%AD%E1%81%B5%E1%80%BA%E1%82%88%E1%80%95%E1%80%AD%E1%80%AF%E1%80%90%E1%80%BA%E1%82%87%E1%80%95%E1%81%BC%E1%80%BA%E1%80%95%E1%80%AD%E1%80%AF%E1%81%BC%E1%80%BA%E1%82%89%E1%82%81%E1%80%B0%E1%82%89_%E1%80%99%E1%81%A2%E1%82%86%E1%80%9E%E1%81%A2%E1%80%99%E1%80%BA/%E1%80%95%E1%81%A2%E1%82%86%E1%80%B8%E1%82%81%E1%80%B0%E1%82%89%E1%80%99%E1%80%B1%E1%82%83_%E1%80%9C%E1%82%84%E1%82%88_%E1%81%BD%E1%80%AD%E1%80%84%E1%80%BA%E1%82%88%E1%80%95%E1%80%AD%E1%80%B0%E1%80%84%E1%80%BA%E1%80%90%E1%80%AE%E1%82%87%E1%80%99%E1%80%B0%E1%80%9D%E1%80%BA%E1%82%87%E1%81%B6%E1%80%9B%E1%80%B1%E1%82%87%E1%80%9E%E1%80%AE%E1%82%87&diff=312&oldid=prev 2026-10-24T07:29:52Z

<p></p> <table style="background-color: #fff; color: #202122;" data-mw-interface=""> <col class="diff-marker" /> <col class="diff-content" /> <col class="diff-marker" /> <col class="diff-content" /> <tr class="diff-title" lang="en-GB"> <td colspan="2" style="background-color: #fff; color: #202122; text-align: center;">← Older revision</td> <td colspan="2" style="background-color: #fff; color: #202122; text-align: center;">Revision as of 13:59, 24 October 2026</td> </tr><tr><td colspan="2" class="diff-lineno" id="mw-diff-left-l14">Line 14:</td> <td colspan="2" class="diff-lineno">Line 14:</td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>*(႑႓:႔႕). ႐႙. ႐႗. ႒႐႒႑ (လ.တ.လ - တ.လ.ၽ - ႒)*</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>*(႑႓:႔႕). ႐႙. ႐႗. ႒႐႒႑ (လ.တ.လ - တ.လ.ၽ - ႒)*</div></td></tr> <tr><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>*ငိူၼ်ႈငဝ်ႈ (Philosophy of Education – 2020, A.S. Sutharamu.)</div></td><td class="diff-marker"></td><td style="background-color: #f8f9fa; color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #eaecf0; vertical-align: top; white-space: pre-wrap;"><div>*ငိူၼ်ႈငဝ်ႈ (Philosophy of Education – 2020, A.S. Sutharamu.)</div></td></tr> <tr><td colspan="2" class="diff-side-deleted"></td><td class="diff-marker" data-marker="+"></td><td style="color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #a3d3ff; vertical-align: top; white-space: pre-wrap;"><div><ins style="font-weight: bold; text-decoration: none;"></ins></div></td></tr> <tr><td colspan="2" class="diff-side-deleted"></td><td class="diff-marker" data-marker="+"></td><td style="color: #202122; font-size: 88%; border-style: solid; border-width: 1px 1px 1px 4px; border-radius: 0.33em; border-color: #a3d3ff; vertical-align: top; white-space: pre-wrap;"><div><ins style="font-weight: bold; text-decoration: none;">[[လိၵ်ႈပိုတ်ႇပၼ်ပိုၼ်ႉႁူႉ မၢႆသၢမ်/လိူၺ်ႈ ပုၼ်ႈၽွၼ်း|← Previous]] · [[လိၵ်ႈပိုတ်ႇပၼ်ပိုၼ်ႉႁူႉ မၢႆသၢမ်|လမ်းၼႂ်း]] · [[လိၵ်ႈပိုတ်ႇပၼ်ပိုၼ်ႉႁူႉ မၢႆသၢမ်/ပၢႆးႁူႉမေႃလႄႈ ၽိင်ႈပိူင်တီႇမူဝ်ႇၶရေႇသီႇ|Next →]]</ins></div></td></tr> <!-- diff cache key mediawiki:diff:1.41:old-308:rev-312:php=table --> </table>

Tunsar https://taipedia.com/index.php?title=%E1%80%9C%E1%80%AD%E1%81%B5%E1%80%BA%E1%82%88%E1%80%95%E1%80%AD%E1%80%AF%E1%80%90%E1%80%BA%E1%82%87%E1%80%95%E1%81%BC%E1%80%BA%E1%80%95%E1%80%AD%E1%80%AF%E1%81%BC%E1%80%BA%E1%82%89%E1%82%81%E1%80%B0%E1%82%89_%E1%80%99%E1%81%A2%E1%82%86%E1%80%9E%E1%81%A2%E1%80%99%E1%80%BA/%E1%80%95%E1%81%A2%E1%82%86%E1%80%B8%E1%82%81%E1%80%B0%E1%82%89%E1%80%99%E1%80%B1%E1%82%83_%E1%80%9C%E1%82%84%E1%82%88_%E1%81%BD%E1%80%AD%E1%80%84%E1%80%BA%E1%82%88%E1%80%95%E1%80%AD%E1%80%B0%E1%80%84%E1%80%BA%E1%80%90%E1%80%AE%E1%82%87%E1%80%99%E1%80%B0%E1%80%9D%E1%80%BA%E1%82%87%E1%81%B6%E1%80%9B%E1%80%B1%E1%82%87%E1%80%9E%E1%80%AE%E1%82%87&diff=308&oldid=prev 2026-10-24T07:19:16Z

<p>Created page with &quot;ၸိုင်ႈမိူင်းၼႂ်းငမ်းၼိူင်ႈဢၼ် ဢမ်ႇၼၼ်တီႈၼႂ်းၸိုင်ႈမိူင်းပွင်သၢင်ႈယေႈမိူင်းၼႆႉ လႆႈဢဝ်ၵူၼ်းမိူင်း ဢၼ်ပဵၼ် ၵူၼ်းၸိုင်ႈမိူင်းၶဝ်သေ ၵေႃႇသၢင်ႈတင်ႈပဵၼ်ဝႆႉၼၼ်ႉယဝ်ႉ။ ၵွပ်ႈ...&quot;</p> <p><b>New page</b></p><div>ၸိုင်ႈမိူင်းၼႂ်းငမ်းၼိူင်ႈဢၼ် ဢမ်ႇၼၼ်တီႈၼႂ်းၸိုင်ႈမိူင်းပွင်သၢင်ႈယေႈမိူင်းၼႆႉ လႆႈဢဝ်ၵူၼ်းမိူင်း ဢၼ်ပဵၼ် ၵူၼ်းၸိုင်ႈမိူင်းၶဝ်သေ ၵေႃႇသၢင်ႈတင်ႈပဵၼ်ဝႆႉၼၼ်ႉယဝ်ႉ။ ၵွပ်ႈၼႆသေ တီႈၼႂ်းလွင်ႈတၢင်းဢၼ်ဝႃႈ လွင်ႈၶိုၼ်ႈယႂ်ႇ မုၼ်းႁိူင်းၸိုင်ႈမိူင်းမိူင်းၼိူင်ႈၼၼ်ႉၼႆၵေႃႈ ၵူၼ်းမိူင်းဢၼ်ပဵၼ် ၵူၼ်းၸိုင်ႈမိူင်းမၼ်းၼၼ်ႉၵူၺ်း ၸင်ႇတူၵ်းပဵၼ် ဢၼ်ပိူင်လူင်သေပိူၼ်ႈယဝ်ႉၼႆ တၵ်းဝႃႈလႆႈယူႇယဝ်ႉ။ ဢိင်တီႈၼိူဝ်လွင်ႈတၢင်းၶိုၼ်ႈယႂ်ႇမုၼ်းႁိူင်းၵူၼ်းမိူင်း၊ ၵူၼ်း ၸိုင်ႈမိူင်းမၼ်းသေယဝ်ႉ ၸိုင်ႈမိူင်းၵေႃႈ ၸင်ႇလႆႈၶိုၼ်ႈယႂ်ႇမုၼ်းႁိူင်းမႃးၸွမ်းၼၼ်ႉၵွၺ်းယဝ်ႉ။ တႃႇႁႂ်ႈၵူၼ်းမိူင်း ၸိုင်ႈမိူင်းၶဝ် ၶိုၼ်ႈယႂ်ႇမုၼ်းႁိူင်းဢၼ်ဝႃႈၼၼ်ႉၵေႃႈ မၼ်းသမ်ႉၵႂႃႇပိုင်ႈဢိင်ဝႆႉတီႈၼိူဝ် ထၢၼ်ႈၼမ်ႉလိုၵ်ႉတၢင်ႉတႅၵ်ႈ လႅဝ်ႊပၢႆးႁူႉမေႃ(ပၺ်ႇၺႃႇ) ၸိုင်ႈမိူင်းၼၼ်ႉဝႆႉဢိူဝ်ႈ။ ပေႃးတၵ်းဝႃႈၸၼ်ႉပၢႆးႁူႉမေႃ(ပၺ်ႇၺႃႇ) ၵူၼ်းမိူင်းၸိုင်ႈမိူင်း ၼၼ်ႉလီဝႆႉၼႆ ၼင်ႇဢၼ်မီးဝႆႉထၢၼ်ႈလီၼၼ်ႉ ၸိုင်ႈမိူင်းၼႆၵေႃႈ လႆႈၶိုၼ်ႈယႂ်ႇမုၼ်းႁိူင်းသေယဝ်ႉ၊ ပေႃးဝႃႈၸၼ်ႉ ထၢၼ်ႈပၢႆးပၺ်ႇၺႃႇပိုၼ်ႉႁူႉမေႃၶဝ် ၸုတ်ႈယူပ်ႈယွမ်းတမ်ႇဝႆႉၼႆၵေႃႈ ၼင်ႇထၢၼ်ႈဢၼ်လႆႈတူၵ်းတႅမ်ႇဝႆႉၼၼ်ႉ ၸိုင်ႈ မိူင်းၼၼ်ႉၵေႃႈ ၵႃႊလႆႈတူၵ်းယၢၵ်ႈၵွတ်းႁဵၼ်ႈၸွမ်းၵႃႇတီႈၵူႊၸွင်ႈၸွင်ႈယူႇၼၼ်ႉယဝ်ႉ။ ယွၼ်ႉလွင်ႈၼႆႉသေယဝ်ႉ ၸိုင်ႈမိူင်းၵူႊဢၼ်ဢၼ်ၶဝ်ၼႆႉ ၼင်ႇႁိုဝ်ပၢႆးႁူႉမေႃပၺ်ႇၺႃႇၸိုင်ႈမိူင်းၶဝ် ပေႃးတေလီလိူဝ်ဝႆႉယူႇၼၼ်ႉ ၸင်ႇလႆႈ ဢွၼ်ၵၼ်ဝူၼ်ႉၶိုင်ၶပ်းပွင်ဝႆႉယူႇၵူႊပႃႈၵူႊၽၢႆႇ တင်းတၢင်းဝႆႉၼၵ်းသႂ်ႇၸႂ်ၸွမ်းယူႇတေႉတေႉတႃႇသေႇ ၼၼ်ႉယဝ်ႉ။ ပိူင်လူင်မၼ်းတႄႉ တီႈၼႂ်းသၢႆပိူင်ပဵၼ် ၾၢႆႇၵေႃႇသၢင်ႈၸိုင်ႈမိူင်းတီႇမူဝ်ႇၶရေႇသီႇၼၼ်ႉၼႆ ၼင်ႇႁိုဝ်ပၵ်းပိူင်ပၢႆးႁူႉမေႃ ပၺ်ႇၺႃႇတီႇမူဝ်ႇၶရေႇသီႇ ပေႃးတေၸၢင်ႊၶိုၼ်ႈယႂ်ႇမုၼ်းလႅင်းမႃးလႆႈၼၼ်ႉ တႃႇတေၶပ်ႉၶိုင်ႁဵတ်းသၢင်ႈ ၵေႃႇတင်ႈပၼ် လႆႈၼၼ်ႉ မၼ်းပဵၼ်ဢၼ်လမ်ႇလွင်ႈလူင်လၢင်တေႉတေႉယူႇ ၼၼ်ႉယဝ်ႉ။ ၵွပ်ႈသင်ႇလႃႇပေႃးဝႃႈၼႆ - ၵွပ်ႈဝႃႈ ၊ လွင်ႈ တၢင်းတႃႇၵေႃႇတင်ႈသၢင်ႈပဵၼ်လႆႈ ပၵ်းပိူင်တီႇမူဝ်ႇၶရေႇသီႇၼႆႉ တင်းလွင်ႈၶိုၼ်ႈယႂ်ႇမုၼ်းလႅင်း တၢင်းလီငၢမ်း ပၢႆးႁူႉ မေႃပၺ်ႇၺႃႇၼႆႉ ၶဝ်ဢမ်ႇၸၢင်ႊႁဵတ်းႁိုဝ်မႅင်ႇၽၢတ်ႇၵၼ်လႆႈၼၼ်ႉလႄႈယဝ်ႉ။ ဝႆႉၽႂ်ဝႆႉမၼ်းတိုၼ်းဢမ်ႇပဵၼ်လႆႈ ၼၼ်ႉလႄႈယဝ်ႉ။<br /> တီႈဢၼ်ပိုတ်ႇတီႈပွင်ႇၶေႃႈဝႃႈ တီႇမူဝ်ႇၶရေႇသီႇၼၼ်ႉၼႆ ၸွမ်းလူၺ်ႈလႅၼ်ႊၵၢၼ်မၼ်းဢၼ်ပဵၼ် ၾၢႆႇပၢႆး ၵၢၼ်မိူင်း၊ ၾၢႆႇပၢႆးၵၼ်ႊၵူၼ်း၊ ၾၢႆႇပၢႆးမၢၵ်ႈမုၼ်း၊ ၾၢႆႇၽိင်ႈတိုဝ်းၵမ်ႊၶဝ်ၸိူဝ်းၼႆႉတႄႇၵႂႃႇ ၸွမ်းၼင်ႇလႅၼ်ႊတူင်ႇ ၾၢႆႇပႃႈၵူႊၽႂ်မၼ်းသေယဝ်ႉ ၸၢင်ႊပႅၵ်ႇပိူင်ႈၵၼ်ၵႂႃႇၵူႊမဵဝ်းမဵဝ်းယူႇယဝ်ႉ။ တီႇမူဝ်ႇၶရေႇသီႇၼႆႉ ပေႃးဢဝ်ၾၢႆႇၸၢဝ်း ပၢႆး ၵၢၼ်မိူင်းသေ ၽုၺ်ႇၸႅင်ႈတီႈပွင်ႇမၼ်းပေႃးၼႆ ၵႆႉဢွၼ်ၵၼ်ဢဝ်ၶေႃႈပိုတ်ႇၸႅင်ႈ ၸဝ်ႈၸွမ်ၸိုင်ႈလူင်မိူင်းဢမႄႇရီႇ ၵႅၼ်ႇလိၼ်ႇၵုၼ်း ဝႆႉပဵၼ်လၵ်းၸဵင်မၼ်းသေ တႅၵ်ႈၼၢမ်းယဝ်ႉ။ ၶေႃႈပိုတ်ႇၸႅင်ႈၼႆႉၵေႃႈ သမ်ႉပဵၼ်ဢၼ်ၵူၼ်းတင်းလၢႆ ၶဝ် ဢွၼ်ၵၼ်ႁပ်ႉဢဝ်လႆႈၼၼ်ႉ ၵေႃႈၸႂ်ႈယဝ်ႉ။ ၶေႃႈၼႆႉၸမ်းပဵၼ် “တီႇမူဝ်ႇၶရေႇသီႇဢၼ်ဝႃႈၼႆႉ မၼ်းပဵၼ်ပၢႆး ၽွင်းပွင်ႊ(ဢုပ်ႉပိူင်ႇ)(ၶွင်)ၵူၼ်းမိူင်း ဢၼ်ၵူၼ်းမိူင်းတင်းလၢႆၶဝ် လိူၵ်ႈၵဵပ်းၵေႃႇတင်ႈဝႆႉ တႃႇပုၼ်ႈပၢင်ႈ(ၽွၼ်းလီ) ၵူၼ်း မိူင်းတင်းလၢႆၼၼ်ႉ” ၼႆယဝ်ႉ ပွင်ႇဝႃႈပဵၼ် လွင်ႈၽွင်းပွင်ႊၵူၼ်းမိူင်း ဢၼ်ၵူၼ်းမိူင်းလိူၵ်ႈတၢင်ႇ တႃႇလွင်ႈလီၵူၼ်း မိူင်းတင်းလၢႆၼႆယဝ်ႉ။ ထႅင်ႈလၢႆးၼိူင်ႈၵေႃႈ ပွင်ႇႁၼ်ထိုင်လႆႈဝႃႈ- ပဵၼ်ၵၢၼ်ၶုၼ်ငမ်းမိူင်း ဢၼ်ၵူၼ်းမိူင်း ယေႃးတၢင်ႇ တႃႇလွင်ႈလီၵူၼ်းမိူင်းၼႆ ၵွၺ်းယဝ်ႉ။<br /> ပေႃးတေပိုတ်ႇၽုၺ်ႇတီႈပွင်ႇမၼ်း ၸွမ်းၾၢႆႇပႃႈပၢႆးၵၼ်ႊၵူၼ်းၸိုင်- တီႇမူဝ်ႇၶရေႇသီႇဢၼ်ဝႃႈၼႆႉ မၼ်းပဵၼ် ပၵ်းပိူင်ဢၼ်ၼိူင်ႈ ဢၼ်ၸႅၵ်ႇၽႄမႅင်ႇဝၢၵ်ႈပုၼ်ႈပၼ်ၵၼ် တီႈတွၼ်ႊႁႅင်းပွင်ႊသုၼ်ႇသၢင်ႈပွင်၊ တီႈတွၼ်ႊသုၼ်ႇလႆႈ သုၼ်ႇပဵၼ်လႄႈ လွင်ႈႁပ်ႉပဝ်ႈပုၼ်ႈၽွၼ်း ဢိၵ်ႇလွင်ႈသိူဝ်းသၢင်ႇမူၼ်ႊလူၼ်းလႄႈ လွင်ႈလႆႈမႆႈၸႂ်ၶေႃးၶူမ်ၶဝ်ၸိူဝ်း ၼႆႉ ၶဝ်လႂ်ၼၼ်ႉၼႆယဝ်ႉ။ ဢၼ်ပိုတ်ႇၽုၺ်ႇတီႈပွင်ႇ မိူၼ်ၸိူဝ်းၸိူဝ်ႉၼင်ႇၼႆၶဝ်ၼႆႉ ၸွမ်းလူၺ်ႈလႅၼ်ႊၶႂၢင်ႇတူင်ႇ ဝူင်းၽႂ်မၼ်းသေၵေႃႈ တၵ်းမႅၼ်ႈယူႇၸိုဝ်ႈၸႂ်ႈယူႇႁင်းၽႂ်မၼ်းၼႆ တၵ်းဝႃႈလႆႈယူႇယဝ်ႉ။ တႃႇႁႂ်ႈလႆႈၶေႃႈပိုတ်ႇတီႈပွင်ႇ ဢၼ်တဵမ်ထူၼ်ႈၸိုဝ်ႈၸႂ်ႈလူင်ဝႆႉလုမ်းလုမ်း တႃႇႁူမ်ႇငမ်းလူမ်ႈလီ တီႈၶေႃႈတီႇမူဝ်ႇၶရေႇသီႇၼႆႉတႄႉ ယင်းပႆႇမီးၶေႃႈ မၵ်းမၢႆ ဢၼ်လႆႈၸႂ်ၸွမ်းၵၼ်လိူမ်ႈလီၵွၼ်ႇ ဝႃႈၼႆယဝ်ႉ။<br /> ၵူၺ်းၵႃႊ တီႇမူဝ်ႇၶရေႇသီႇၼႆႉ မၼ်းမီးဝႆႉပိူင်ၾၢင်ႁၢင်ႊငဝ်း ဢၼ်ပဵၼ်ပိူင်လူင်ၶိုၵ်ႉၶၢႆးၼၼ်ႉဝႆႉ ဢၼ်ၼိူင်ႈ ဢိူဝ်ႈ။ မၼ်းဝႆႉၵႃႊၶၼ်ၼၵ်ႉၶေႃလူင် တေႃႇၽူႈၵေႃႉၵူၼ်းတူၼ်လႂ်တူၼ်ၼၼ်ႉ ၵေႃႉတေႃႇၵေႃႉ (Individual) ၼၼ်ႉ ယဝ်ႉ။ တီႈၼႂ်းပိူင်ၵၢၼ်တီႇမူဝ်ႇၶရေႇသီႇၼႆႉ မၼ်းတိူဝ်းဝႆႉၼၵ်းတေႃႇၵေႃႉၵူၼ်း ၵေႃႉလႂ်ၵေႃႉၼၼ်ႉၼၼ်ႉ ႁႂ်ႈတိူဝ်းလိူဝ် သေမူႇမုၵ်ႉၸုမ်းၸိူဝ်းၵူၼ်း ၼၼ်ႉဢိူဝ်ႈ။ ၵွပ်ႈဝႃႈ - ၵူၼ်းဢၼ်ဝႃႈၼႆႉ မၼ်းပဵၼ်တူၼ်ၵေႃႉဢၼ်ဢဝ်လွင်ႈလွတ်ႈလႅဝ်း(ထၢင်ႇႁၢင်ႊ) လႄႈ လွင်ႈတၢင်းဢဝ်ပုၼ်ႈၽွၼ်းၶဝ် ႁူမ်ႈႁွမ်းၵၼ်ဝႆႉၼၼ်ႉလႄႈဢိူဝ်ႈ။ လွင်ႈလွတ်ႈလႅဝ်း (ထၢင်ႇႁၢင်ႊ) သုၼ်ႇလႆႈသုၼ်ႇပဵၼ် (တိုဝ်ႉတၢင်း) ၵူၼ်းၵေႃႉၼိူင်ႈၼႆႉ ၼင်ႇဢၼ်ဢမ်ႇထုၵ်ႇလီလႆႈမီး လွင်းဢီႈသင်မႃးၵႂၢၼ်းပႂ်းၵမ် ယိပ်းမၼ်ႈဝႆႉ ၼၼ်ႉယဝ်ႉ၊ ၵေႃႉၵူၼ်းဢၼ်လႆႈဝႆႉတၢင်းလွတ်ႈလႅဝ်းၸိူဝ်းၼၼ်ႉၵေႃႈ ထုၵ်ႇလႆႈႁပ်ႉဢဝ်ပုၼ်ႈၽွၼ်း တေႃႇ ၵႃႊဢၼ်မၼ်းႁဵတ်းသၢင်ႈၼၼ်ႉယူႇ ဝႃႈၼႆယဝ်ႉ။ ယွၼ်ႉၼႆသေ မူႇမုၵ်ႉၸုမ်းၸိူဝ်းတူင်ႇဝိူင်းၵူၼ်း ဢၼ်ဝႃႈၼႆႉ ဢၼ်ပဵၼ်ဢၼ်ပိူင်ႇမီးဝႆႉ ၵုင်ႇၵုၼ်းပိူင်ၾၢင်လွင်ႈလွတ်ႈလႅဝ်း လႄႈ လွင်ႈဢဝ်ပုၼ်ႈၽွၼ်းၼၼ်ႉဝႆႉသေ ပဵၼ်ဝႆႉပၵ်း ပိူင် ၵၼ်ႊသိုပ်ႇမိုတ်ႈလွင်ႈၵူၼ်း ဢၼ်ဢဝ်တူၼ်ၵေႃႉၵူၼ်းၵေႃႉတေႃႇၵေႃႉၶဝ် မႃးႁူမ်ႈႁွမ်းၵၼ်သေ ၶွတ်ႇၽွတ်ႈပဵၼ်ဝႆႉ ၼၼ်ႉယဝ်ႉၼႆ ဢွၼ်ၵၼ်ႁပ်ႉဢဝ်ဝႆႉၼင်ႇ ၼႆယဝ်ႉ။ လုၵ်ႉတီႈတၢင်းႁပ်ႉႁၼ်ၼင်ႇၼႆသေယဝ်ႉ ၸင်ႇသမ်ႉဢွၼ်ၵၼ် ပိုတ်ႇတီႈပွင်ႇ တီႇမူဝ်ႇၶရေႇသီႇမႃးဝႃႈ- မၼ်းပဵၼ်လွင်ႈလၢႆးတၢင်း ပိူင်ယူႇသၢင်ႈသဝ်းၸူဝ်ႊပၢၼ်ၵၼ်ႊၵူၼ်း(A way of life) ဢၼ်တိူဝ်းယႂ်ႇၵႂၢင်ႈဝၢတ်ႈၵႆလိူဝ်သေ ပၵ်းပိူင်ပိူင်သၢင်ႇလူင်ပွင်ႊၸိုင်ႈ (ၶုၼ်မိူင်း) ၼၼ်ႉဢိူဝ်ႈၼႆ မႃးၵၼ်ယူႇ ၼၼ်ႉယဝ်ႉ။<br /> တီႈၼႂ်းမုၵ်ႉမူႇၸုမ်းၸိူဝ်းၵူၼ်း ၸူဝ်ႊပၢၼ်ၵၼ်ႊၵူၼ်းၼၼ်ႉ ပေႃးဝႃႈလႆႈႁူပ်ႉတေႃႇတူဝ်ထူပ်းၺႃးမႃးတင်း တၢင်းၶွင်ႈၶမ်၊ တၢင်းယၢပ်ႇၽိုတ်ႇတိပ်ႇၸႂ် ဢၼ်တေလႆႈၵေႈလိတ်ႈသၢင်းလၢင်းပၼ်ၼၼ်ႉမႃးပေႃးၼႆ ပဵၼ်တႃႇယႃႇႁႂ်ႈ လႆႈၸႂ်ႉတိုဝ်း လၢႆးယိပ်းၵိၼ်းတီႈၵၼ်၊ တဵၵ်းတဵင်လွၵ်ႇငိူတ်ႈတေႃႇၵၼ်၊ ၸႂ်ႉလၢႆးႁၢဝ်ႈႁၢႆႉ တင်းႁႅင်းပေႉၵိၼ်တေႃႇၵၼ် ၼၼ်ႉသေယဝ်ႉ ႁႂ်ႈၸၢင်ႊၸႂ်ႉလႆႈလၢႆးဢုပ်ႇၵုမ် ၶဝ်ႈထွင်ၵိူင်ႈလီတေႃႇၵၼ်လႆႈၼၼ်ႉ ပဵၼ်ပၵ်းပိူင်တီႇမူဝ်ႇၶရေႇသီႇ ယဝ်ႉၼႆ ႁပ်ႉႁၼ်ဢဝ်ဝႆႉၵၼ် ၼင်ႇၼႆယူႇယဝ်ႉ။<br /> ပိူင်ၾၢင်ႁၢင်ႊငဝ်းလၢၵ်ႇလၢႆးထႅင်ႈဢၼ်ၼိူင်ႈ တီႈပၵ်းပိူင်တီႇမူဝ်ႇၶရေႇသီႇၵေႃႈ ယင်းမီးထႅင်ႈၵွၼ်ႇ။ ၼႆႉၸမ်း- ပဵၼ်တၢင်းႁပ်ႉႁၼ်ဢၼ်ဝႃႈ ၵူၼ်းၶူင်းၵၢင်ႁဝ်းၵူႊၵေႃႉၼႆႉ မီးဝႆႉလမ်ႉၵတ်ႉ (တၢင်းလီ) ဢၼ်ၸၢင်ႊသွၼ်ႁဵၼ်းဢဝ် လႆႈပၺ်ႇၺႃႇ (တၢင်းႁူႉမေႃ)ဢဝ်လႆႈၼႆၼၼ်ႉယဝ်ႉ။ တီႈဢၼ်ဝႃႈ ၵူၼ်းၶူင်းၵၢင်ႁဝ်းၵူႊၵေႃႉၵေႃႉၼႆၼၼ်ႉ မၼ်းတေ ၶဝ်ႈပႃးၸိူဝ်းဢၼ်ႁၵ်းဢၼ်ၵႅင်ႉ ဢၼ်ဢမ်ႇၸၢင်ႊတူင်ႉၼိုင်ပွင်ပဵၼ်လႆႈၼင်ႇၸိူင်ႉပိူၼ်ႈ ၶဝ်တင်းသဵင်ႈ၊ ႁူမ်ႈပႃးၸိူဝ်း ဢၼ်ႁူၼူၵ်ႇ၊ တႃမွတ်ႇ တင်းၸိူဝ်းမီးဝႆႉ တၢင်းၸုတ်ႈယွမ်းၾၢႆႇပႃႈတွၼ်ႊပၢႆးၸႂ်ၶဝ်ၸိူဝ်းၼႆႉလႂ်ၶဝ်ၵေႃႈ ၶဝ်ႈပႃးဝႆႉ တင်းသဵင်ႈသဵင်ႈယူႇၼၼ်ႉယဝ်ႉ။ ၵူၼ်းၶူင်းၵၢင်ႁဝ်းၸိူဝ်းၼႆႉတင်းသဵင်ႈၶဝ်ၼႆႉ ဢွၼ်ၵၼ်ပိူင်ႇမီးဝႆႉလမ်ႉၵတ်ႉ ဢၼ် တေၸၢင်ႊၵေႃႇတင်ႈၶူင်ႊသၢင်ႈလႆႈ တၢင်းၶိုၼ်ႈယႂ်ႇမုၼ်းႁိူင်းၸူဝ်ႊပၢၼ်တူဝ်ၵဝ်ႇၽႂ်မၼ်း ၸွမ်းၼင်ႇသၢႆတၢင်း လုၵ်ႉ တီႈပၢႆးႁူႉမေႃပၺ်ႇၺႃႇၼၼ်ႉလႆႈယူႇဢိူဝ်ႈ။ တီႈၼႂ်းၵၢၼ်ငၢၼ်းၾၢႆၶိုၼ်ႈယႂ်ႇမုၼ်းႁိူင်း မူႇမုၵ်ႉၸုမ်းၸိူဝ်းၵူၼ်း ၸိူဝ်း ၼၼ်ႉၼႆ ႁႂ်ႈပေႃးၸၢင်ႊတိူဝ်းၶဝ်ႈပႃးႁဵတ်းသၢင်ႈလႆႈ တေႃႇထိုင်တီႈလီငၢမ်းၼၼ်ႉၵေႃႈ သၢႆတၢင်းပၵ်းပိူင်တီႇမူဝ်ႇ ၶရေႇသီႇၼႆႉ ယုမ်ႇယမ်(ႁပ်ႉဢဝ်) ဝႆႉယူႇ။ ယွၼ်ႉၼႆသေယဝ်ႉ တီႈၼႂ်းပၵ်းပိူင် တီႇမူဝ်ႇၶရေႇသီႇၼၼ်ႉ ပၢႆးႁူႉမေႃပၺ်ႇ ၺႃႇ ဢၼ်ဝႃႈၼႆႉ မၼ်းမီးဝႆႉၾိင်ႈတႅၵ်ႈ လွင်ႈၶဝ်ႈပႃးလႆႈတင်းသဵင်ႈသဵင်ႈ(All-Inclusive)ဝႆႉယူႇယဝ်ႉ။<br /> လွင်ႈတၢင်းႁႅင်းယႂ်ႇၶိူင်ႇၵိုမ်း တီႈပိူင်တီႇမူဝ်ႇၶရေႇသီႇၼႆႉ မၼ်းသမ်ႉမႃးဢိင်ပိုင်ႈဝႆႉ တီႈၼိူဝ်ၺၢၼ်ႇတၢင်းႁူႉ လႄႈ ၽိင်ႈတိုဝ်းၵမ်ႊ (တၢင်းယၢမ်ႈၽိုၵ်းသၢင်ႈ) တူၼ်တူဝ်ၸိူဝ်းၵူၼ်း ဢၼ်ပဵၼ်ၸိူဝ်းၵူၼ်းၸိုင်ႈမိူင်းၶဝ်ဝႆႉဢိူဝ်ႈ။ၾိင်ႈ တႅၵ်ႈဢၼ်ၼႆႉၼႆႉ ၸဝ်ႈႁူႉမေႃၾၢႆႇပၢႆးဝူၼ်ႉၶပ်ႉလိူၺ်ႈပၢႆးပၺ်ႇၺႃႇ မိူင်းဢမႄးရီးၵႂ်း ၸွၼ်ႇတိဝ်းဝီးဢၼ်ဝႃႈၼၼ်ႉ လၢတ်ႈၼေဝႆႉဝႃႈ “လူင်ပွင်ႊၸိုင်ႈလူင်ဢၼ်ၼိူင်ႈ ဢၼ်ၵူၼ်းမိူင်းတင်းလၢႆၶဝ် ၸွမ်းၼင်ႇလွင်ႈတၢင်းပၼ်ၵၢင်ၸႂ် လိူၵ်ႈတင်ႈဢဝ်သေ လႆႈပဵၼ်မႃးၼၼ်ႉ ၊ ပေႃးတင်းဝႃႈ ၽူႈၵေႃႉဢၼ်တေဢုပ်ႉပိူင်ႇၽွင်းငမ်း ႁူမ်ႈပႃးတင်းၸိူဝ်းတေ ႁပ်ႉဢဝ်လွင်ႈၽွင်းငမ်း ၸတ်းပွင်ၶဝ်ၼၼ်ႉ ပေႃးဝႃႈဢမ်ႇမေႃပၺ်ႇၺႃႇ (တၢင်းႁူႉမေႃ) ၼႆ ဢမ်ႇၸၢင်ႊထိုင်တီႈ ဢွင်ႇမၢၼ်လႆႈ သႄႈ ၼႆယဝ်ႉ။<br /> တီႇမူဝ်ႇၶရေႇသီႇၼႆႉ လွင်ႈဝႃႈမၼ်းပၼ်လႆႈ သုၼ်ႇလႆႈသုၼ်ႇပဵၼ်တၢင်းလွတ်ႈလႅဝ်းထၢင်ႇႁၢင်ႊ ႁႂ်ႈၵူၼ်းႁဝ်း ၵေႃႉၼိူင်ႈ လႆႈတၢင်းတဵမ်ထူၼ်ႈလီငၢမ်းယူႇဢၼ်ဝႃႈၼၼ်ႉတႄႉ ၸႂ်ႈတေႉယဝ်ႉ။ မႅၼ်ႈတေႉယဝ်ႉ။ ၵူၺ်းၵႃႊ တၢင်း လွတ်ႈလႅဝ်း ဢၼ်ဢမ်ႇၵိုၵ်းပႃးလွင်ႈဢဝ်ပုၼ်ႈၽွၼ်းၼၼ်ႉတႄႉ ႁူႉမၼ်းတေယိုဝ်ႈၸူးၵႂႃႇတၢင်းၽၢႆႇၶိတ်းပုင်ၶိတ်း ပၢင် ၵႃႊပဵၼ်ၼၼ်ႉပႅတ်ႈယူႇယဝ်ႉဢိူဝ်ႈ။ တၢင်းလွတ်ႈလႅဝ်း (Freedom) ဢၼ်ဝႃႈၼႆႉ မိူဝ်ႈလႂ်ပေႃးမၼ်း ၵိုၵ်းသဵင်ႇ ႁွမ်းၸွမ်း လွင်ႈမေႃဢဝ်ပုၼ်ႈၽွၼ်း (Responsibility) ပႃးဝႆႉၸင်ႇ တေမီးတီႈပွင်ႇၸွမ်းလွၼ်ႉသေယဝ်ႉ ၸင်ႇတေ ထိုင်တီႈလႆႈဢိူဝ်ႈၼႆ ၼႆႉၵေႃႈ၊ ဢၼ်တႃႇတေပၼ်တၢင်းႁူႉထိုင်တီႈလႆႈၼၼ်ႉၵေႃႈ သမ်ႉပဵၼ်ပၢႆးႁူႉမေႃပၺ်ႇၺႃႇ ၵွၺ်းၼင်ႇၵဝ်ႇယဝ်ႉ။ ၵွပ်ႈၼႆ တီႈၼႂ်းပၵ်းပိူင်တီႇမူဝ်ႇၶရေႇသီႇၼၼ်ႉ လွင်ႈလွတ်ႈလႅဝ်းဢၼ်ဝႃႈၼႆႉ မၼ်းပဵၼ်ၾိင်ႈ တႅၵ်ႈဢၼ်ပဵၼ် ဢႅၵ်ႇလဵဝ်သွၼ်ႉလဵဝ်ၵၼ်တင်း လွင်ႈဢဝ်ပုၼ်ႈၽွၼ်းၼၼ်ႉၵမ်းလဵဝ်ယူႇ ၼၼ်ႉယဝ်ႉ။ ပေႃးတၢၼ်ႇ ၶႅပ်းၽၢႆႇမွၵ်ႇလႄႈ ၶႅပ်းၽၢႆႇႁူဝ် တီႈငိုၼ်းသူဝ်တႅင်းၵႃး ပဵၼ်ၶႅပ်းဢၼ်လဵဝ်လဵဝ်ၵၼ်ၼၼ်ႉဝႆႉၵွၺ်းၼၼ်ႉ ယူႇယဝ်ႉ။<br /> ၵပ်းၵၢႆႇလူၺ်ႈလွင်ႈၼႆႉသေ ၸဝ်ႈတူၼ်ၶူးလူင်ႉလူင်ပၢႆးပၺ်ႇၺႃႇ ၵူၼ်းၵၢၼ်ၾၢႆပၢႆးၵၢၼ်မိူင်း မိူင်းဢမႄႇရီႇ ၵႅၼ်ႇ ဢၼ်ၸိုဝ်ႈ တွမ်းမသ်ႉၸႅၾ်ႉၾႂ်းသၼ်ႇၼၼ်ႉ ယၢမ်ႈပၼ်တၢင်းပူင်လၢတ်ႈၼေမႃးၼႆႉ ၵႅၼ်ႇသမ်ႉလီလႆႈမၢႆတွင်း ဝႆႉတေႉယဝ်ႉ။ မၼ်းဝႃႈ “ၵူၼ်းၵေႃႉၼိူင်ႈၼႆႉ ပေႃးဝႃႈႁၢမ်းဝႆႉၺၢၼ်ႇတၢင်းႁူႉ သေယဝ်ႉ သမ်ႉဝႃႈလွတ်ႈလႅဝ်းဢိူဝ်ႈၼႆ ၼႆႉ တိုၼ်းဝႃႈဢမ်ႇပဵၼ်လႆႈ (ဢၼ်တေႉ) သႄႈ။ ၵွပ်ႈသင်လႃႇပေႃးဝႃႈၼႆ- တၢင်းဢၼ်ႁၢမ်းဝႆႉ (ဢၼ်ဢမ်ႇမီး) တၢင်းႁူႉ ပၺ်ႇၺႃႇၼႆႉ ပေႃးပဵၼ်ဝႆႉတၢင်းမတ်ႉၶၢတ်ႈၶဵၼ်းၼူင်ႇတူဝ်မၼ်းဝႆႉသေယဝ်ႉ ၵွပ်ႈတၢင်းႁူႉဢၼ်ပဵၼ် ပၺ်ႇၺႃႇၼႆႉ သမ်ႉ ပဵၼ်လွင်ႈလွတ်ႈလႅဝ်းဝႆႉလႄႈဢိူဝ်ႈ” ဝႃႈၼေၵႂႃႇၼင်ႇၼႆယဝ်ႉ။ ၸဝ်ႈတူၼ်ၵိုၵ်းၾူးပိုၼ်းလူင် ၶိူဝ်းၵူၼ်းၵရိၵ်ႉ ဢၼ်ပဵၼ်ၸဝ်ႈၾၢႆႇပၢႆးဝူၼ်ႉၶပ်ႉလူင်တူၼ်ၼိူင်ႈ ဢၼ်ၸိုဝ်ႈဝႃႈ ပလေႇတူဝ်ႇၼၼ်ႉၵေႃႈ သမ်ႉဝႃႈၼေပၼ်ဝႆႉၼင်ႇၼႆ ဢိူဝ်ႈ။ “ၽူႈၵေႃႉဢၼ်လႆႈႁပ်ႉႁွင်းဢဝ် ၶေႃႈၸီႉသင်ႇဢၼ်ၵႂၢၼ်းပႂ်း (ယိပ်းၵႅမ်း) ဝႆႉတေႃႇတၢင်းႁဵတ်းသၢင်ႈ လႄႈ လွင်ႈတူင်ႉၼိုင်တူဝ်ၵဝ်ႇ တမ်ႈတီႈပိူၼ်ႈတၢင်ႇၵေႃႉၶဝ်ၼၼ်ႉ ပဵၼ် (ၵူၼ်း) ၶီႈၶႃႈယဝ်ႉ” ၼႆဢိူဝ်ႈ။<br /> ၽူႈၸၢင်ႊလိၵ်ႈၾၢႆႇၵိူဝ်ႉႁုၼ်ႉ ၼႂ်းၶိူဝ်းဢိင်းၵလဵတ်ႈၵေႃႉၼိူင်ႈ ဢၼ်ၸိုဝ်ႈဝႃႈ ၊ၿႂ်းၼၢတ်ႉသျေႃး ၼၼ်ႉၵေႃႈ ၸွမ်းၼင်ႇတၢင်းတူၼ်ႈၸႂ် ၽိင်ႈယၢမ်ႈမၼ်းသေ လၢတ်ႈၶိတ်းဢႅၵ်းသႂ်ႇဝႃႈ တီႈၼႂ်းပၵ်းပိူင် တီႇမူဝ်ႇၶရေႇသီႇၼၼ်ႉ ပၢႆး ပၺ်ႇၺႃႇ (တၢင်းႁူႉမေႃ) ၼႆႉ ပဵၼ်ဢၼ်လမ်ႇလွင်ႈဢိူဝ်ႈၼႆ မႃးၼင်ႇၼႆယူႇ။ “ပၢင်ပွၺ်းလိူၵ်ႈတင်ႈ လၢႆးတီႇမူဝ်ႇၶရေႇသီႇ ဢၼ်ဝႃႈၼႆႉ မၼ်းပဵၼ်လွင်ႈလိူၵ်ႈၵဵပ်းပၼ်ၵၢၼ် ၸိူဝ်းၵူၼ်းတင်းၼမ်လၢႆလူင်ၶဝ် ဢၼ်ဢမ်ႇမီးၺၢၼ်ႇတၢင်းႁူႉ ၸိူဝ်းၼၼ်ႉ သမ်ႉလိူၵ်ႈတင်ႈပၼ်ၵူၼ်းဢွၼ်ႇမၢင်ႊၽွင်ႈ ဢၼ်ပဵၼ်ၵေႃႉၽိင်ႈယၢမ်ႈလူႉဝႆႉသေ သမ်ႉမေႃၸွမ်းဢဝ် ၾၢႆႇၵိၼ်ၶူဝ်းမွၼ် ၼၼ်ႉဢိူဝ်ႈ” ၼႆယဝ်ႉ ၼႆႉပဵၼ်မေႃလူင်ပၢႆးဝူၼ်ႉၶပ်ႉ ၸၢင်ႊလိၵ်ႈၾၢႆႇၵိူဝ်ႉႁုၼ်ႉလၢတ်ႈၼေဢိူဝ်ႈ ၼေႃႈ။ <br /> ယွၼ်ႉၼႆသေ တီႈဢၼ်တႄႇတင်ႈၵေႃႇသၢင်ႈ လၵ်းပိူင်တီႇမူဝ်ႇၶရေႇသီႇၼၼ်ႉၼႆ ပၢႆးႁူႉမေႃပၺ်ႇၺႃႇၼႆႉ ၵႅၼ်ႇ ပဵၼ်ပိူင်လူင်သေပိူၼ်ႈထီႈသုတ်းဝႆႉယဝ်ႉၼႆ တၵ်းဝႃႈလႆႈယူႇယဝ်ႉ။ ယိုင်ႊၵူၼ်းဢမ်ႇမီးပၺ်ႇၺႃႇ တၢင်းႁူႉၶဝ်ၼမ် လိူဝ်ၵႃႊႁိုဝ်ၵေႃႈ ယိုင်ႊၵႆယၢၼ်ဝႆႉတင်းတီႇမူဝ်ႇၶရေႇသီႇ ထၢၼ်ႇၼၼ်ႉယဝ်ႉ။ ၼင်ႇႁိုဝ်လွင်ႈၸုတ်ႈယွမ်းႁႅင်းဢေႇ တီႈ ၵူၼ်းမိူင်းတင်းလၢႆၶဝ်ၸိူဝ်းၼၼ်ႉ ပေႃးတေလူတ်းယွမ်းၵႂႃႇလႆႈၼၼ်ႉ တင်း ၼင်ႇႁိုဝ် တၢင်းၾၢႆႇပၺ်ႇၺႃႇၶဝ် ပေႃးတေ ၸၢင်ႊၶိုၼ်ႈယႂ်ႇမႃးလႆႈၼၼ်ႉ ၊ လၢႆးတၢင်းပိူင်လူင် ဢၼ်လမ်ႇလွင်ႈမၼ်းတႄႉ ပဵၼ်တႃႇပၼ်လႆႈပၢႆးႁူႉမေႃပၺ်ႇၺႃႇ ၼၼ်ႉၵွၺ်းယဝ်ႉ။ ၼွၵ်ႈသေၼႆႉ ပၢႆးႁူႉမေႃပၺ်ႇၺႃႇဢၼ်ဝႃႈၼႆႉ မၼ်းပဵၼ်ၵႃႊၶၼ်တီႇမူဝ်ႇၶရေႇသီႇဢိူဝ်ႈ။ ႁဝ်းလီ လႆႈႁဵတ်းႁႂ်ႈ ၵႃႊၶၼ်လူင်ၸိူဝ်းၼႆႉ ၸိုဝ်ႉၸိုမ်းၶဝ်ႈၸွတ်ႇထိုင်ၵႂႃႇ တီႈၼႂ်းပေႃႈမႄႈၵူၼ်းမိူင်း ဢၼ်ပဵၼ်ၸိူဝ်းၵူၼ်းမိူင်း၊ ၵူၼ်းၸိုင်ႈမိူင်းတင်းလၢႆယူႇဢိူဝ်ႈ။ လၢႆးတၢင်း လႄႈ ၶူဝ်းၶိူင်ႈ ဢၼ်တေပဵၼ်လႆႈတႃႇတင်းလၢႆ ၊ တႃႇတင်းၶိူဝ်းတင်း မိူင်းၼၼ်ႉၵေႃႈ ပဵၼ်လၢႆးႁဵၼ်းသွၼ်ဢဝ်ပၢႆးပၺ်ႇၺႃႇၵွၺ်းယဝ်ႉၼႆ ၶႂ်ႈဝႃႈၼေၵၼ် ပၼ် ၼင်ႇၼႆယူႇၵွၺ်းယဝ်ႉ။<br /> မႂ်ႇသုင်! ႁႂ်ႈပဵၼ်မႃးလႆႈၸွမ်းပၢႆးပၺ်ႇၺႃႇသေၵမ်း<br /> လုင်းၸၢႆးၾႃႈ (ၵဵပ်းႁွမ်တွမ်ႊတႅမ်ႈ)<br /> *(႑႓:႔႕). ႐႙. ႐႗. ႒႐႒႑ (လ.တ.လ - တ.လ.ၽ - ႒)*<br /> *ငိူၼ်ႈငဝ်ႈ (Philosophy of Education – 2020, A.S. Sutharamu.)</div>

Tunsar